ჩინეთში კორონავირუსით კიდევ 98 ადამიანი გარდაიცვალა და დაღუპულთა საერთო რაოდენობა 1 868-მდე გაიზარდა, - ამის შესახებ ინფორმაციას ქვეყნის ჯანდაცვის ეროვნული კომისია ავრცელებს.
მათივე ინფორმაციით, ჩინეთში, ბოლო ერთი დღის განმავლობაში, ვირუსის 1,886 ახალი შემთხვევა გამოვლინდა და დაინფიცირებულთა რაოდენობამ 72,436-ს მიაღწია.
ჩინეთის ხელისუფლება აცხადებს, რომ ეს პირველი შემთხვევაა 30 იანვრის შემდეგ, როცა ერთ დღეში დაავადებულთა რაოდენობა 2 000 ადამიანზე ნაკლებია, რაც შეეხება გარდაცვლილებს, ერთ დღეში გარდაცვლილთა მსგავსი მცირე მაჩვენებელი 11 თებერვლის შემდეგ არ დაფიქსირებულა.
ხელისუფლება შემთხვევების კლების ტენდენციას გადაადგილებასთან დაკავშირებით დაწესებულ მკაცრ შეზღუდვებს უკავშირებს.