პარტია “მოქალაქეების” ლიდერი ალეკო ელისაშვილი მიიჩნევს, რომ პარალელური დათვლის (PVT) შედეგებში გამოვლენილი ხარვეზები, რომლის საფუძველზეც მმართველი პარტიის მიერ მიღებული ხმების რაოდენობა პროცენტულად გაიზარდა, ოპოზიციისთვის დარტყმაა. როგორც “რუსთავი 2”-ის ეთერში ელისაშვილმა თქვა ახლა ის ოპოზიციასა და ხელისუფლებას შორის მოლაპარაკებების გაგრძელებას ელოდება.
“სიმართლე გითხრათ სამჯერ გადავიკითხე ეს დასკვნა, არ ვიჯერებდი მეგონა “ფეიკი” იყო, რადგან ISFED არის ყველაზე სანდო არასამთავრობო ორგანიზაცია. სამართიანი არჩევნების საერთაშორისო ორგანიზაცია, რომელსაც ყველა ვენდობით და როდესაც ის ამბობს რომ მას ხარვეზი ჰქონდა და არასწორად დაითვალა, ეს ძალიან ასუსტებს ოპოზიციის პოზიციას. გულწრფელად ვიტყვი რომ ეს არის დარტყმა ოპოზიციისთვის. [ამ ანგარიშის შემდეგ] მე მოლაპარაკებების გაგრძელებას ველოდები, ელჩების ფორმატში,”-ამბობს ალეკო ელისაშვილი.