ბატონი ელისაშვილი აღარ არის ოპოზიციის ნაწილი - ამ განცხადებას „ევროპული საქართველოს“ ერთერთი ლიდერი გიგა ბოკერია აკეთებს და ამბობს, რომ მომდევნო მოლაპარაკებებზე ელჩებთან, ელისაშვილს შეუძლია კობახიძესთან ერთად მივიდეს.

ოპოზიციაში აზრთა სხვადასხვაობა არ არის, ბატონი ელისაშვილი აღარ არის ოპოზიციის ნაწილი, ეს გააფორმა მან თვითონ. ის არის ივანიშვილის რეჟიმის სპიკერი. ჩვენ ელისაშვილს არ დავუძახებთ, იქ კობახიძესთან ერთად მობრძანდეს, მასთან ერთად როგორც ერთერთ ერთეული, რომელიც ახლა არის ხელისუფლების ბანაკში" - ამბობს ბოკერია.

მოლაპარაკების მეხუთე რაუნდი აშშ-ს ელჩის რეზიდენციაში მომავალ კვირაში უნდა გაიმართოს. ზუსტი თარიღი ჯერ უცნობია თუმცა დიდი ალბათობით აუდიენცია ხვალ შედგება.
ოპოზიცია ხელისუფლებისგან ვადამდელ არჩევნებს, საარჩევნო ადმინისტრაციის შეცვლას და პოლიტპატიმრების გათავისუფლებას ითხოვს, რაზეც ხელისუფლება არ თანხმდება. 
"ოცნება" მხოლოდ საარჩევნო კანონმდებლობის რეფორმას განიხილავს, თუმცა ალეკო ელისაშვილი ამტკიცებს, რომ მმართველი გუნდი ოპოზიციის მოთხოვნებს თანხმდება და დათმობაზე მიდის.