"მთავარი არხის" ინფორმაციით, ნაძალადევში მეზობელმა მეზობელი დაჭრა. დაჭრას კი წინ მათ შორის კონფლიქტი უძღოდა.
მეზობლები ამბობენ, რომ კონფლიქტის მიზეზი მათთვის უცნობია, მათ მხოლოდ რამდენიმე გასროლის ხმა გაიგეს. დაჭრილია 40 წლამდე ასაკის მამაკაცი, რომელიც საავადმყოფოში გადაიყვანეს და ოპერაცია ჩაუტარეს. ამჟამად მისი ჯანმრთელობის მდგომარეობა სტაბილურია.
დაჭრა ლომთათიძის 8 ნომერში დღის 2 საათისთვის მოხდა. სავარაუდო დამნაშავე ადგილიდან მიიმალა.
შსს-მ გამოძიება 108-ე მუხლით დაიწყო, რაც განზრახ მკვლელობის მცდელობას გულისხმობს.