გვყავს რეჟიმი, რომელიც ყველას უსმენს - ოპოზიცია ეჭვობს რომ “ოცნება“ ISFED-ს უსმენდა
ოპოზიციაში ფიქრობენ, რომ "ქართულ ოცნებას" წინასწარ ჰქონდა ინფორმაცია, სამართლიანი არჩევნების პარალელურ დათვლაში ხარვეზის შესახებ, ასევე კობახიძისა და ნაცვლიშვილის მიმოწერა, ოპოზიციაში ეჭვს ბადებს, რომ ხელისუფლება ISFED–ს უსმენდა.
"ჩვენ გვყავს რეჟიმი და ხელისუფლება, რომელიც ყველას უსმენს, მათ შორის, მე არ გამოვრიცხავ, რომ უსმენდეს ყველა იმ ადამიანს, რომელიც დაკავშირებულია არა მხოლოდ არასამთავრობო ორგანიზაციებთან, არამედ დონორ ორგანიზაციებთან, ამას სჭირდება საფუძვლიანი მოკვლევა" , – ამბობს "ენმ–ს" ლიდერი ხატია დეკანოიძე
"ჩვენ ეჭვი არ გვეპარება იმაში, რომ "ქართულ ოცნებას" წინასწარ ჰქონდა ინფორმაცია, ISFED–ის პარალელურ დათვლასთან და ხარვეზთან დაკავშირებით." – ამბობს "ევროპული საქართველოს" ლიდერი სერგი კაპანაძე