ნიუ-იორკის შტატში კორონავირუსის ახალი შტამით ინფიცირების პირველი შემთხვევა დაფიქსირდა, - ამის შესახებ შტატის გუბერნატორი, ენდრიუ კუომო სოციალურ ქსელ „ტვიტერში“ წერს.
„პირს, რომელსაც ახალი შტამით ინფიცირება დაუდასტურდა, მოგზაურობის ისტორია არ აქვს“,- წერს ენდრიუ კუომო.
ნიუ-იორკი აშშ-ის მეოთხე შტატია ფლორიდის, კალიფორნიისა და კოლორადოს შემდეგ, სადაც ახალი შტამი გამოვლინდა.
CNN-ის ინფორმაციით, კორონავირუსის ახალი სახეობა, რომელიც პირველად გაერთიანებულ სამეფოში დაფიქსირდა, უკვე მსოფლიოს 40-მდე ქვეყანაშია გამოვლენილი.