აშშ-ის მოქმედი ვიცე-პრეზიდენტი მაიკ პენსი არჩეული პრეზიდენტის, ჯო ბაიდენის ინაუგურაციას დაესწრება. პენსი ფიცის დადების ცერემონიაზე დასასწრებად პირადად ბაიდენმა მიიწვია. ბაიდენის თქმით, ინაუგურაციის დროს ვიცე-პრეზიდენტის ყოფნა მისთვის დიდი პატივი იქნება.
როგორც ცნობილია, აშშ-ის მოქმედმა პრეზიდენტმა დონალდ ტრამპმა განაცხადა, რომ ბაიდენის ინაუგურაციაზე დასწრებას არ აპირებს. ამასთან დაკავშირებით, ბაიდენმა აღნიშნა, რომ „კარგია, თუ ტრამპი ინაუგურაციაზე არ მოვა“.
„ეს ერთ-ერთია იმ მცირე საკითხებს შორის, რაზეც მე და ის ოდესმე შევთანხმებულვართ. მან ყოველგვარ ზღვარს გადააჭარბა. ის ერთ-ერთი ყველაზე არაკომპეტენტური პრეზიდენტია შეერთებული შტატების ისტორიაში",- აღნიშნა ბაიდენმა.
აშშ-ის ახალი პრეზიდენტის ინაუგურაცია 20 იანვარს გაიმართება.