არ შეიძლება ხილვა ნამდვილი გეგონოს -"ოცნების" პასუხი ელისაშვილს
ალეკო ელისაშვილი და ლევან იოსელიანი შეცდომას უშვებენ, როდესაც დემოკრატიაზე საუბრობენ და ამასთან, ცესკო-ს თავმჯდომარის შეცვლას მოითხოვენ - განცხადება ამის შესახებ "ქართული ოცნების" ფრაქციის თავმჯდომარემ, პარტიის ოფისში გამართულ ბრიფინგზე გააკეთა.
მამუკა მდინარაძე ამბობს, რომ საარჩევნო რეფორმა იქნება იდენტური, როგორც ეს ეუთო/ოდირმა თავის რეკომენდაციებში მიუთითა.
მამუკა მდინარაძე ამბობს, რომ საარჩევნო რეფორმა იქნება იდენტური, როგორც ეს ეუთო/ოდირმა თავის რეკომენდაციებში მიუთითა.
„ვფიქრობ, როგორც ბატონი ელისაშვილი, ასევე ბატონი იოსელიანი მძიმე შეცდომას უშვებენ. ისინი ერთი მხრივ, საუბრობენ დემოკრატიის სამართლებრივ პრინციპებზე, მეორე მხრივ, კონკრეტულ გვარს ახსენებენ, როდესაც ვინმეს გარეშე ან ვინმესთან ერთად არჩევნების ჩატარებაზე საუბრობენ. როდესაც გარკვეული ვადით არის კონკრეტული ადამიანი არჩეული და მისი თანამდებობა არის არჩევითი, სულ რომ რაღაც წინათგრძნობა გქონდეს და ხილვა გქონდეს, არ შეიძლება ეს ნამდვილი გეგონოს და გჯეროდეს შენი წინათგრძნობის, ხილვების. არ შეძლება კონკრეტულ გვარზე ილაპარაკო, რომელიც არის არჩეული თანამდებობის პირი" ამბობს მდინარაძე.შეგახსენებთ, რომ ცესკო-ს თავმჯდომარის ცვლილება და ადმინისტრაციის რეფორმა იყო ის საკითხი, რომელზე შეთანხმების შემთხვევაში "მოქალაქეები" პარლამენტში შესვლაზე თანახმა იყვნენ. ელისაშვილი და იოსელიანი ირწმუნებოდნენ, რომ "ქართული ოცნება" მათ წინადადებას დათანხმდა და პირობაც მისცა. ამის შემდეგ "მოქალაქეები" პარლამენტში შევიდნენ.