"ახალგაზრდა კაცი ხარ ტო, ცოტა ხო უნდა იაზროვნო" - ასე მიმართა კახი კალაძემ "მთავარი არხის" ჟურნალისტს. თბილისის მერი გააღიზიანა კითხვამ, იყო თუ არა მაია რჩეულიშვილთან ციხეში ვიზიტზე.
კალაძეს აღარ უპასუხია კითხვისთვის, რატომ აყენებდა ჟურნალისტს შეურაცხყოფას. ის ირაკლი კობახიძესთან და სასულიერო პირებთან ერთად სიონის საკათედრო ტაძარში იმყოფებოდა. პროტოპრესვიტერმა გიორგი ზვიადაძემ ჟურნალისტებს შენიშვნა მისცა და მოუწოდა, გვერდით დამდგარიყვნენ:

"არავისი არ გესმით?! როგორ იქცევით, დაკრძალვაზეა მოსული ადამიანი, გვერდით დადექით", - თქვა მან.