"ერთიანი ნაციონალური მოძრაობის" თავმჯდომარე, ნიკა მელია სასამართლოს გადაწყვეტილების შემდეგ პირველ კომენტარს აკეთებს. ის ოპოზიციასთან და მხარდამჭერებთან ერთად პარტიის ოფისში იმყოფება. მელიას განცხადებით, 

"თავშივე დიდი მადლობა მინდა გადაგიხადოთ მხარდაჭერისთვის, ყველა ჩემი კოლეგის სახელით, ძალიან დიდი სოლიდარობა ვიგრძენი უკანასკნელი დღეების განმავლობასი, ისეთი როგორიც არასდროს 41 წლის განმავლობაში არ მიგრძვნია. 
გუშინ ჩვენ ვიხილეთ გავრილოვის პარლამენტი, დღეს კი ყველამ ერთად ვიხილეთ გავრილოვის სასამართლო. თუმცა, ყველაზე მთავარი, ხვალინდელი დღე, არც მეტი და არც ნაკლები, ჩვენი მომავალი, მხოლოდ და მხოლოდ ჩვენზეა დამოკიდებული. [...] 
გუშინდელი სხდომაც იყო სასამართლო სხდომა და დღევანდელ სასამართლო სხდომაზე გამოტანილი ვერდიქტი არ ასამართლებს ერთ ცალკეულ ადამიანს, ან ორ, სამ, ათ ცალკეულ ადამიანს, ვსამართლდებით ამ განაჩენით ყველა ვინც ვდგავართ ისტორიის სწორ მხარეს, ვინც 2019 წლის 20 ივნისს გამოვიდა რუსთაველის გამზირზე, ხმა აიმაღლა, არ შეშინდა, სამართლიანად აღშფოთდა. [...] ასამართლებენ ყველა იმ ადამიანს, ვინც არის მომხდე უკეთესი ხვალინდელი დღისა, არის მომხრე განვითარებული საქართველოსი. 
რა დილემის წინაშე ვდგავართ, ან თავისუფალი საქრთველო, ან დამონებული საქართველო, ან ღირსეული საქართველო, ან ღირსება აყრილი საქართველო, ან თავისუფალი ხალხის, თავისუფალი ქვეყნის თავისუფალიმომავალი, ან ოკუპანტის ბორკილები", - თქვა ნიკა მელიამ.

მისი  განცხადებით, დასრულებულია ყოველგვარი პარტიული პოლიტიკა და არსებობს ორი მხარე - ქართული ეროვნული მოძრაობა და მეორე მხარეს ოკუპანტის ინტერესები და ივანიშვილის წარმომადგენლები.