ფაქტია, რომ მათ აღიარეს ისინი სამართლებრივი სივრციდან გასული იყვნენ - ასე გაიგეს "ქართულ ოცნებაში" ოპოზიციის გადადგმული ნაბიჯი მოლაპარაკებებისკენ.
ოპონენტებს ქართული ოცნების სახელით ანრი ოხანაშვილმა უპასუხა და თქვა, რომ აქციების გადადება დაგვიანებულია, თუმცა ოხანაშვილი იქვე აფიქსირებს, რომ დიალოგისთვის "ოცნებაც" მზადაა. 

“მე ვფიქრობ, რომ მათი მხრიდან ეს დაგვიანებულია. ფაქტია, რომ მათ აღიარეს ისინი სამართლებრივი სივრციდან გასული იყვნენ და ეს ნიშნავს, რომ მათ სურვილი აქვთ მოლაპარაკების მაგიდას დაუბრუნდნენ" ამბობს ოხანაშვილი.

შეგახსენებთ, ოპოზიციამ დღეს შეწყვეტილი დიალოგისკენ კიდევ ერთი ნაბიჯი გადადგა და ხელისუფლებას მოლაპარაკების მაგიდასთან დაჯდომისკენ მოუწოდა. ოპოზიცია სანაცვლოდ, მზადაა დაგეგმილი მასშტაბური აქციაც გადადოს.