თბილისის საქალაქო სასამართლოში დღეს "მთავარი არხის" გენერალური დირექტორის, ნიკა გვარამიას სასამართლო პროცესი გაგრძელდება. სხდომაზე ბრალდების მხარის მოწმეებს დაკითხავენ - სულ ორი მოწმის გამოკითხვა იგეგმება. 
ადვოკატი დიდმიტრი საძაგლიშვილი  აცხადებს, რომ ყველა მოწმის გამოკითხვის შემდეგ ნიკა გვარამიას უდანაშაულობა და საქმის პოლიტიკური სარჩული უფრო მეტად დასტურდება.

"ჩვენ გვაქვს მოლოდინი, რომ გაგრძელდება ის ტენდენცია, რაც ადრე იყო, კერძოდ, ბრალდების მხარის მოწმეები არათუ ადასტურებენ ბრალდებას, არამედ პირიქით, ხაზს უსვამენ ნიკა გვარამიას უდანაშაულობას და ეს ახსნადიცაა, რადგან რეალურად, არავითარი დანაშაული არ არსებობს და ხელისუფლება დევნის ნიკა გვარამიას", - ამბობს დიმიტრი საძაგლიშვილი. 

შეგახსენებთ, რომ "მთავარი არხის" გენერალურ დირექტორს პროკურატურა ედავება ჯერ კიდევ "რუსთავი 2"-ის დირექტორობის დროს, სამაუწყებლო კომპანია რუსთავი 2-ის კანონიერი ინტერესების საწინააღმდეგოდ უფლებამოსილების ბოროტად გამოყენებას და მისი კუთვნილი დიდი ოდენობით თანხის სამსახურეობრივი მდგომარეობით გამოყენებას.