ესტონეთის ყოფილი პრეზიდენტი ტომას ჰენდრიკ ილვესი ეხმიანება ირაკლი კობახიძის ინტერვიუს, სადაც ის ამბობს, რომ გიორგი გახარია 17 თებერვლის 17:00 საათამდე ეთანხმობა მელიას დაკავებას.
“ჩემი კითხვაა, განსაკუთრებით აქ აღწერილი კანონის უზენაესობის გროტესკული დარღვევის გათვალისწინებით, რა ჯანდაბა უნდა ევროკავშირის დროშას ამ ინტერვიუს ფონზე?”,– წერს ილვესი Twitter–ზე.
ცნობისთვის, ირაკლი კობახიძემ რუსთავი 2–ის ეთერში დაადასტურა, რომ ქართული ოცნება მელიას დაკავების საკითხს სასამართლოს გადაწყვეტილებამდე განიხილავდა.
სასამართლომ ნიკა მელიას პატიმრობა 17 თებერვალს, დაახლოებით 22:20 წუთზე შეუფარდა.