ევროკავშირის საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი სავარაუდოდ დღეს „ქართული ოცნების“ წარმომადგენლებს კიდევ ერთხელ შეხვდება. ევროკავშირის წარმომადგენლობის ოფისში კრისტიან დანიელსონი უკვე მივიდა. დანიელსონს მედიასთან კომენტარი არ გაუკეთებია.
პარალელურად საქართველოს პარლამენტში ფრაქცია „ქართული ოცნების“ სხდომა მიმდინარეობს. ფრაქციის სხდომა დახურულ ფორმატში იმართება და პლენარული სხდომების კვირაში განსახილველ საკითხებს უკავშირდება. ამასთან, არ არის გამორიცხული, საუბარი მთავარ პოლიტიკურ პროცესებს შეეხოს.
შეგახსენებთ, რომ კრისტიან დანიელსონი, რომელიც დღეს ბრიუსელში უნდა დაბრუნებულიყო, საქართველოში დარჩა და ქვეყნის კრიზისიდან გამოყვანის მიზნით, პოლიტიკურ აქტორებთან შეხვედრებს აგრძელებს.