ციხის ექთანს ვაქცინის გაკეთების შემდეგ, COVID 19 დაუდასტურდა
სასჯელაღსრულების დაწესებულების ექთანს "ასტრაზენეკას" ვაქცინის გაკეთების შემდეგ კორონავირუსი დაუდასტურდა. ექთანს კორონავირუსის ვაქცინის გაკეთებამდე ტესტი გაუკეთდა, რომლის პასუხიც უარყოფითი იყო.
"N5 დაწესებულების ექთანს მიმდინარე წლის 15 მარტს ჩაუტარდა PCR ტესტირება (პასუხი უარყოფითი), ხოლო 18 მარტს სწრაფი ანტიგენის ტესტით შემოწმდა (პასუხი კვლავ უარყოფითი იყო). ამავე დღეს მას გაუკეთდა აცრა covid-19-ზე. მეორე დღეს, 19 მარტს მის მეუღლეს დაუდგინდა covid-19, ხოლო თავად ექთანსაც გამოუვლინდა covid-19-ისთვის დამახასიათებელი სიმპტომები (ტემპერატურის მატება). იგი მოთავსდა სპეციალიზებულ ე.წ. კოვიდკლინიკაში, სადაც 20 მარტს დაუდასტურდა covid-19. მისი მდგომარეობა დამაკმაყოფილებელია და უახლოეს დღეებში დატოვებს კლინიკას", - ამბობს სასჯელაღსრულების დაწესებულების პრესსამსახური "მთავართან" საუბრისას.