"ახალი არჩევნები თუ დაინიშნება, გიორგი გახარია მონაწილეობას მიიღებს, როგორც რუსული პროექტი", - ასე ეხმიანება ექსპრმიერის პოლიტიკაში დაბრუნების გადაწყვეტილებას ჟურნალისტი ელისო კილაძე "მთავარი არხის" ეთერში გადაცემაში "მთავარი დებატები".
კილაძის თქმით, გახარია მმართველი პარტიის ელექტორატის დიდ ნაწილს გადაიბირებს. 

ახალი არჩევნები თუ დაინიშნება, გიორგი გახარია მონაწილეობას მიიღებს, როგორც რუსული პროექტი. ამასთანავე, ის წაიღებს "ქართული ოცნების" მხარდამჭერების ძალიან დიდი ნაწილის ხმებს. ეს გარდაუვალია, იმიტომ რომ "ქართული ოცნება" აღარაა მონოლითური გუნდი, არც არასდროს ყოფილა, მაგრამ ახლა მითუმეტეს. ავტორიტეტული აღარაა და რჩება კობახიძის ამარა. არამგონია, "ქართული ოცნების" მომხრეებსაც კი ის პერსპექტივა, რომ კობახიძე იყოს პრემიერმინისტრი, მამუკა მდინარაძე შს მინისტრი და თალაკვაძე კიდევ რაიმე თანამდებობაზე, მოსაწონი იყოს", - ამბობს ელისო კილაძე.

მისივე თქმით, მმართველი პარტია სამართლიანი არჩევნების პირობებში "გახარიათიც და გახარიას გარეშეც დასრულებულია".