ქართველ ლიდერთა პასუხისმგებლობაა მიიღონ გამოწვევა და გამონახონ კომპრომისი - EU
ევროკავშირი საქართველოში პოლიტიკური კრიზისის გადაჭრის გზებზე ისევ მუშაობს - განცხადება ევროკომისიის ვიცე-პრეზიდენტის ჟოზეფ ბორელის პრესსპიკერმა, ნაბილა მასრალიმ ჟურნალისტებთან გააკეთა.
"31 მარტს დასრულდა პრეზიდენტ მიშელის პირადი წარმომადგენლის, ბატონი დანიელსონის მედიაციის მეორე მისია, რომლის შედეგადაც ვერ მოხერხდა საშინაო პოლიტიკური კრიზისის მოგვარება, არცერთმა მხარემ არც მმართველმა პარტიამ და არც ოპოზიციურმა პარტიებმა არ გამოავლინეს ნება შეთანხმებულიყვნენ მათთვის შეთავაზებულ კომპრომისულ წინადადებაზე. როგორც გასულ კვირაში ვახსენეთ რამდენჯერმე, ქართველ ლიდერთა პასუხისმგებლობაა მიიღონ გამოწვევა და გამონახონ კომპრომისი, ეს კვლავაც ძალაშია. ბატონმა დანიელსონმა ვითარების შესახებ მოახსენა პრეზიდენტ მიშელს და ვიცე-პრეზიდენტ ბორელს. ახლა [ევროკავშირის] შიგნით იმსჯელებენ შემდეგი ნაბიჯების შესახებ", - თქვა ნაბილა მასრალიმ.