რიონის ხეობის მცველები მთავრობის წევრებთან შეხვედრის შემდეგ კმაყოფილები არიან. როგორც ერთ-ერთმა აქტივისტმა, მარიტა მუსელიანმა თქვა, პირველად დაიშვა შესაძლებლობა, რომ ჰესი არ აშენდეს.
"დღეს გვქონდა პირველი პრეცედენტი იმისა, რომ დაიშვა შესაძლებლობა, მოიხსნა ის აპრიორი მტკიცება, რომ ჰესი ყველა შემთხვევაში აშენდება. მე ეს პირველად გავიგე. რამდენჯერმე გაიმეორეს, თორემ ერთხელ ნათქვამი შეიძლება არ დამეჯერა... ჩვენი პრინციპული მოსაზრება იყო, რომ აუცილებელია ყველა ტრაქტორი შეჩერდეს, რაც იქ არის - ეს დაკავშირებულია გზასთან, ხიდთან თუ რაღაცასთან. ამდენი ხანი რასაც ერქვა მოსამზადებელი სამუშაოები, მათ შორის გზა, ჩვენთვის არის ძალიან პრინციპული", - თქვა მან.
მისი თქმით, მთავრობის წარმომადგენლებმა მზაობა გამოთქვეს, რომ ამ საკითხზე დაფიქრდებიან.