Babajana LOGO

მერობის კანდიდატად მელიას, საკრებულოს თავმჯდომარედ კი ხოშტარიას განვიხილავდით - ბოკერია

21 ივლისი 2021 07:49ნახვები 722წყარო: mtavari.tvფოტო: mtavari.tv
"ევროპული საქართველოს" ლიდერის, გიგა ბოკერია ადასტურებს, რომ თვითმართველობის არჩევნებზე ოპოზიციას საერთო კანდიდატთან დაკავშირებით კონსულტაციები აქვს. მისი თქმით, საბოლოო გადაწყვეტილებას 2 დღეში იტყვის.
ბოკერია, ასევე, ადასტურებს, რომ ოპოზიცია თბილისის მერობის ერთიან კანდიდატად ნიკა მელიას, ხოლო საკრებულოს თავმჯდომარედ ელენე ხოშტარიას განიხილავდა.
ბოკერიას თქმით, ევროპულ საქართველოს აუცილებლად მიაჩნია კოორდინირება და შეთანხმება თვითმმართველობის არჩევნებზე როგორც თბილისში, ისე საკვანძო ქალაქებში მერობის კანდიდატებსა და საკრებულოს თავმჯდომარეებზე.
 "დაგვიანდა ამ შეთანხმების მიღწევა ჩვენი აზრით, მაგრამ სჯობს გვიან, ვიდრე კიდევ უფრო გვიან, ან არასდროს. ამიტომ, იმედი გვაქვს და ასე გვაქვს დაგეგმილი, რომ სულ ორიოდე დღეში ყველა თქვენ ამ კითხვაზე იქნება გაცემული პასუხი. ის გვარები, რომლებიც თქვენ დაასახელეთ, აბსოლუტურად ლეგიტიმურად განხილვის საგანი იყო მთელი ამ პერიოდის განმავლობაში და საბოლოო გადაწყვეტილებას ყველას მოგახსენებთ ორიოდე დღეში", - განაცხადა ბოკერიამ.
ცნობისთვის, 2021 წლის თვითმმართველობის არჩევნებზე "ქართულმა ოცნებამ" თბილისის მერობის კანდიდატად კახა კალაძე წარადგინა. 

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

MAX Chania
Georgian Bread
GWK