"დღეს "ქართულმა ოცნებამ" ოფიციალურად განაცხადა და აღიარა, რომ ვერც პარტია "ქართული ოცნება", ვერც მისი გენერალური მდივანი კახა კალაძე ვერ უახლოვდებიან 43%-იან ზღვარს და რა თქმა უნდა, ისინი განწირულები არიან დამარცხებისთვის", - ამის შესახებ "ნაციონალური მოძრაობის" ერთ-ერთი ლიდერი ხატია დეკანოიძე საგანგებო ბრიფინგზე საუბრობს.
ის "ოცნების" მიერ შარლ მიშელის დოკუმენტის ანულირებას და შეთანხმებიდან გასვლას ეხმაურება და ამბობს, რომ "ქართულმა ოცნებამ" უტიფრად დაარღვია შეთანხმება, რაც ნიშნავს იმას, რომ საქართველოს ევროატლანტიკური მონავალი და საქართველოს დემოკრატია, ასევე ქვეყანა ნატო-ში გაწევრიანება ძალიან დიდი საფრთხის ქვეშაა.
"ნაციონალური მოძრაობა", რა თქმა უნდა, მზადაა მიიღოს ყველაზე პრინცპული გადაწყვეტილებები" - ამბობს ხატია დეკანოიძე და განმარტავს, რომ პარტია საბოლოო გადაწყვეტილებას საერთაშორისო პარტნიორებთან კონსულტაციის შემდეგ გაახმოვანებს.