ირანში კორონავირუსის შედეგად გარდაცვლილთა რიცხვმა 2640-ს მიაღწია. პრეზიდენტმა ჰასან როჰანიმ განაცხადა, რომ ვირუსის გავრცელებასთან ბრძოლის განპირობებული „ცხოვრების ახალი წესი“, როგორც ჩანს, გაგრძელდება. პანდემიის თვალსაზრისით ირანში ერთ-ერთი ყველაზე მძიმე ვითარებაა მსოფლიოს მასშტაბით. მით უმეტეს, რომ ექსპერტები ოფიციალურ მონაცემებსაც ეჭვქვეშ აყენებენ და უარეს სურათს ვარაუდობენ.
ირანის ჯანდაცვის მინისტრის მრჩეველმა ალირეზა ვაჰაბზადემ 29 მარტს განაცხადა, რომ ქვეყანაში COVID-19-ით გარდაცვლილთა რიცხვმა 2640-ს მიაღწია, ინფიცირებულია 38309.
ჯანდაცვის სამინისტროს წარმომადგენლის, კიანუშ ჯაჰანპურის თქმით, „3467 ადამიანი კრიტიკულ მდგომარეობაშია“. 25 მარტს თეირანმა აკრძალვა დააწესა საქალაქთაშორისო მიმოსვლაზე.
ამჟამად მსოფლიოში კორონავირუსით ინფიცირებულთა რიცხვმა 681 ათასს გადააჭარბა. გარდაიცვალა 31 ათასზე მეტი ადამიანი. გამოჯანმრთელდა 145 ათასამდე.