სომხეთში ბოლო 24 საათის მანძილზე კორონავირუსის 40 ახალი შემთხვევა დაფიქსირდა და მთლიანობაში ქვეყანაში ინფიცირებულთა რაოდენობამ 921-ს მიაღწია. ამასთან, ქვეყანაში ვირუსით ბოლო დღე-ღამის მანძილზე კიდევ ერთი ადამიანი დაიღუპა და გარდაცვლილთა რაოდენობა 10-მდე გაიზარდა.
სომხეთის დაავადებათა კონტროლის და პრევენციის ცენტრში აცხადებენ, რომ 138 პაციენტი უკვე გამოჯანმრთელდა, ხოლო 773 საავადმყოფოებში აგრძელებს მკურნალობას.