"შეუძლებელია, ნუ გეწყინებათ" - თურქეთი აცხადებს, რომ ფინეთისა და შვედეთის NATO-ში გაწევრიანებას ვეტოს დაადებს
თურქეთის პრეზიდენტი, რეჯეფ თაიფ ერდოღანი გამორიცხავს შვედეთისა და ფინეთის ნატოში გაწევრიანებას - ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა. მან თქვა, რომ თურქეთი მხარს არ დაუჭერს შვედეთისა და ფინეთის ნატოში გაწევრიანებას და ამ ქვეყნების ელჩების ვიზიტები უშედეგო იქნება.
"თურქეთი ვერ იტყვის „დიახ“ ფინეთისა და შვედეთის ნატოში გაწევრიანებაზე. შეუძლებელია, ნუ ეწყინებათ ისინი“, - განაცხადა ერდოღანმა.ერდოღანმა აღნიშნა, რომ მისი ქვეყანა ვერ დათანხმდება მათ გახდნენ ნატოს წევრები, მაშინ, როდესაც თურქეთისთვის სანქციები აქვთ დაწესებული.
"მაშინ ნატო შეწყვეტს იყოს უსაფრთხოების ორგანიზაცია. ჩვენ ვერ ვიტყვით "დიახ". მათ ტერორისტები მოჰყავთ თავიანთ პარლამენტებში, აძლევენ მათ პლატფორმას, აგზავნიან სპეციალურ მოსაწვევებს და ტერორისტებიც კი არიან მათში. პარლამენტები, რომლებიც მხარს უჭერენ ქურთისტანის მუშათა პარტიას“, - თქვა ერდოღანმა.შეგახსენებთ, რომ ფინეთმა და შვედეთმა თურქეთისთვის თავდაცვის პროდუქტების მიწოდებაზე სანქციები 2019 წელს სირიაში სირიის დემოკრატიული ძალების (ქურთების) წინააღმდეგ სამხედრო ოპერაციის დაწყების შემდეგ დააწესეს. სწორედ ამ სანქციებს გულისხმობდა ერდოღანი.