კრემლის განცხადებით, ხვალ 15:00 საათზე რუსეთის პრეზიდენტი, ვლადიმირ პუტინი უკრაინის ოთხი ოკუპირებული რეგიონის ანექსიის შესახებ განკარგულებას მოაწერს ხელს. ხელმოწერა პუტინისა და უკრაინის 4 რეგიონის ე.წ. ხელმძღვანელების შეხვედრის შემდეგ იქნება. 
პესკოვს მედიასთან არ დაუკონკრეტებია ხვალ მოსკოვში დაგეგმილ მიტინგს პუტინი დაესწრება თუ არა. კონცერტ-მიტინგზე ე.წ რეფერენდუმბის შედეგებს დაუჭერენ მხარს და უკრაინის ოკუპირებული ტერიტორიების "რუსეთთან შეერთებას" იზეიმებენ.
ცნობისთვის, უკრაინის ოკუპირებულ 4 რეგიონში, დონეცკში, ლუგანსკში, ზაპოროჟიესა და ხერსონის ნაწილში "რუსეთთან შეერთების" ფსევდორეფერენდუმები რამდენიმე დღის განმავლობაში იმართებოდა. კრემლი ამტკიცებს, რომ მოსახლეობის უმრავლესობამ მხარი დაუჭირა "რუსეთთან შეერთებას". ამ "რეფერენდუმებს" დასავლეთი და ცივილიზებული სამყარო არ აღიარებს.