"არ გვინდა პუტინს ხელი შევუწყოთ" - სამხარაძემ ახსნა, რატომ არ კეტავენ საზღვარს
პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე ამბობს, რომ საქართველო რუსეთთან საზღვარს ვერ ჩაკეტავს, რადგან ამ ნაბიჯით პუტინს ხელი შეეწყობა მეტი ადამიანი გაგზავნოს უკრაინაში საომრად:
"აქ ჩვენ გვაქვს ერთგვარად მორალური დილემა - იმიტომ, რომ ეს ადამიანები გამორბიან, გამორბიან რუსეთიდან იმიტომ რომ არ შეეხოთ მათ მობილიზაცია და არ წავიდნენ საომრად უკრაინაში. შესაბამისად, ჩვენ ეხლა საზღვარი რომ დავხუროთ, ამ გადაწყვეტილებით, რა თქმა უნდა ხელს შევუწყობთ პუტინს იმაში, რომ მოაგროვოს ეს ადამიანები და გაუშვას საომრად უკრაინაში. აქედან გამომდინარე, ჩვენთვის ეს გადაწყვეტილება ძალიან ძნელად მისაღებია, იმიტომ რომ ჩვენ არ გვინდა საქმეში პუტინს ხელი შევუწყოთ" - თქვა სამხარაძემ.21 სექტემბრის მერე, მას შემდეგ, რაც პუტინმა ქვეყანაში მობილიზაცია გამოაცხადა, რუსეთის მოქალაქეები ქვეყნიდან გარბიან. მათი დიდი ნაწილი სწორედ საქართველოს მოაწყდა. ლარსის გამშვებ პუნქტზე კილომეტრიანი რიგები დგას. რუსები ქვეყანაში შემოდიან ავტომობილებით, ველოსიპედებით და ფეხითაც კი.