აშშ არასოდეს, არასოდეს აღიარებს რუსეთის პრეტენზიებს უკრაინის ტერიტორიებზე - ბაიდენი
პრეზიდენტ ჯო ბაიდენის თქმით, აშშ არასოდეს აღიარებს რუსეთის პრეტენზიებს უკრაინის ტერიტორიებზე. ბაიდენი უკრაინის რეგიონებში ჩატარებულ ე.წ. "რეფერენდუმებს" აბსოლუტურად ცრუს უწოდებს და ამბობს, რომ მათი შედეგები კრემლის მიერაა მომზადებული.
"მსურს, ვიყო ძალიან მკაფიო ამ საკითხის მიმართ. შეერთებული შტატები არასოდეს, არასოდეს, არასოდეს აღიარებს რუსეთის პრეტენზიებს უკრაინის სუვერენულ ტერიტორიაზე. ეს ე.წ. რეფერენდუმი იყო ცრუ, აბსოლუტური ტყუილი. შედეგები მომზადდა მოსკოვში. უკრაინელი ხალხის ჭეშმარიტი ნება ვლინდება ყოველდღიურად, რამდენადაც ისინი სიცოცხლეს სწირავენ თავიანთი ხალხის გადასარჩენად და ქვეყნის დამოუკიდებლობის შესანარჩუნებლად, ასევე თავისუფლების დასაცავად. რუსეთის თავდასხმა უკრაინაზე, პუტინის იმპერიული ამბიციების განსახორციელებლად, არის გაერო-ს წესდების, სუვერენიტეტისა და ტერიტორიული მთლიანობის ძირითადი პრინციპების უხეში დარღვევა" - ამბობს ჯო ბაიდენი