ოკუპირებული აფხაზეთის დროშის სტიკერის გაკვრისთვის ბათუმის მე-7 საჯარო სკოლის დირექტორი თანამდებობიდან გაათავისუფლეს. ფაქტი გუშინ მას შემდეგ გახმაურდა, რაც ერთ-ერთმა მოსწავლემ გააპროტესტა ფაქტი, რომ დროებით ოკუპირებული აფხაზეთი ცალკე რესპუბლიკად იყო წარმოდგენილი. 
თავდაპირველად სკოლამ გაავრცელა ინფორმაცია, რომ თითქოს მოსწავლემ რუსეთის დროშა ჩამოხია, რის გამოც მას საგაკვეთილო პროცესი დაატოვებინეს.
სინამდვილეში კი, მოსწავლემ არა რუსეთის, არამედ აფხაზეთის დროშა ჩამოხია. აღნიშნულთა დაკავშირებით სკოლის დირექცია კომენტარს არ აკეთებს. 

"ვერ გეტყვით, ამ დროშების თაობაზე ამ წუთას მე კომენტარს ვერ ვერ გავაკეთებ...დირექტორი გააკეთებს ალბათ კომენტარს..." - ამბობს სასწავლო ნაწილი.

გარდა ამისა, დირექციას უჭირს იმის აღიარება, რომ რუსეთი ოკუპანტი ქვეყანაა. აღნიშნულ საკითხზე მოკვლევა ისევ გრძელდება.