ბოლო 24 საათში რუსეთში ახალი ტიპის კორონავირუსის 5 642 შემთხვევა დადასტურდა,– ამის შესახებ კორონავირუსის წინააღმდეგ ბრძოლის ოპერატიული შტაბი იუწყება.
ჯამში, ოფიციალური მონაცემებით, ქვეყანის 85 რეგიონში 52 763 შემთხვევაა დადასტურებული, მათგან 3 873 ადამიანი გამოჯანმრთელდა, ხოლო გარდაიცვალა 456.
უნდა აღინიშნოს, რომ 21 აპრილს რუსულმა მედიამ გაავრცელა კადრები, თუ როგორ დატოვეს სპეციალურ ეკიპირებით შემოსილმა ადამიანებმა ქალი საკუთარი საცხოვრებელი სახლის სადარბაზოსთან.
ცნობილია, რომ 48 წლის ქალი პნევმონიით 17 აპრილს საავადმყოფოში შეიყვანეს, თუმცა 19 აპრილს ის სახლში გაურკვეველი მიზეზით გაწერეს. სადარბაზოსთან მიტოვებული პაციენტი გარდაიცვალა.