უკრაინის პრეზიდენტის აპარატის უფროსის მრჩეველი ალექსეი არესტოვიჩი რუსეთის პრეზიდენტის მიერ ჩეჩნეთის ლიდერისთვის, რამზან კადიროვისთვის გენერალ-პოლკოვნიკის წოდების მინიჭებას გამოეხმაურა.
არესტოვიჩის თქმით, „რუს ოფიცრებისთვის უფრო დიდი შეფურთხება წარმოუდგენელია“.
„მთელ სამხედრო ისტორიაში, გარდა სტალინური რეპრესიებისა, ვერ წარმომიდგენია ასეთი დამცირებები. სტალინი, ერთი მხრივ, ამცირებდა, მეორე მხრივ, ამაღლებდა და აჯილდოებდა, აყალიბებდა მათ გენერლებად. ახლა კი კადიროვის ამბავი. სიმართლე რომ გითხრათ, საინტერესოა, რუსეთი თავს კიდე სადამდე დაიმცირებს“, – განაცხადა არესტოვიჩმა.