მივიღებთ ზომებს იმ კომპანიებისა და ქვეყნების წინააღმდეგ, რომლებიც მუშაობენ ირანის დრონების პროგრამასთან - აშშ
AFP ავრცელებს ინფორმაციას, რომ ამერიკა აპირებს მიიღოს ზომები იმ კომპანიებისა და ქვეყნების წინააღმდეგ, რომლებიც კავშირში არიან ირანის დრონების პროგრამასთან. ეს ხდება მას შემდეგ, რაც გუშინ რუსეთმა კიდევ ერთხელ გამოიყენა "კამიკაძე" დრონები სასიკვდილო დარტყმებისთვის.
"ვინც ბიზნესს აწარმოებს ირანთან, რომელსაც შეიძლება ჰქონდეს რაიმე კავშირი უპილოტო საფრენი აპარატებთან ან ბალისტიკური რაკეტების განვითარებასთან ან ირანიდან რუსეთში იარაღის ნაკადთან, უნდა იყოს ძალიან ფრთხილად და გამოიჩინოს სათანადო ყურადღება - აშშ არ დააყოვნებს სანქციების გამოყენებას ან ქმედებებს განხორციელებას დამნაშავეების წინააღმდეგ", - განუცხადა ჟურნალისტებს სახელმწიფო დეპარტამენტის სპიკერმა ვედანტ პატელმა.მისი განცხადებით, რუსეთის ირანთან ალიანსის გაღრმავება არის ის, რაც მთელმა მსოფლიომ ღრმა საფრთხედ უნდა აღიქვას.