ხერსონში, 20 ოქტომბრის საღამოს, დაიბომბა ანტონივსკის ხიდთან მდებარე რუსების მიერ აშენებული "სამოქალაქო გადასასვლელი".
ადგილობრივი გამოცემა წერს, რომ ჯამში 6 აფეთქება მოხდა. სავარაუდოა, რომ თავდასხმის დროს გადასასვლელის გასწვრივ რუსი სამხედროების აღჭურვილობა და ცოცხალი ძალა გადაადგილებოდა.
რუსეთის მიერ დანიშნული თავმჯდომარის თქმით, სულ მცირე ორი ადამიანი დაიღუპა და კიდევ 10 დაიჭრა თავდასხხმის შედეგად.
რუსეთის მიერ მხარდაჭერილმა ხერსონის ოლქის ადმინისტრაციამ თავის Telegram არხზე განაცხადა, რომ უკრაინის სამხედროებმა "12 HIMARS გაისროლეს სამოქალაქო გადასასვლელზე ანტონივსკის ხიდთან, რომელიც ასევე მუშაობს ღამით, დნიპროს მარცხენა სანაპიროზე გამგზავრების მსურველთა დიდი რაოდენობის გამო".