ნატოს საგარეო საქმეთა მინისტრების სამიტზე, რომელიც 29-30 ნოემბერს რუმინეთის დედაქალაქ ბუქარესტში გაიმართება, საქართველოს, უკრაინის და მოლდოვის საგარეო უწყებების ხელმძღვანელები არიან მიწვეულები. ამის შესახებ რუმინული მედია იუწყება.  
ეს იქნება პირველი ამ დონის შეხვედრა ნატოს ბუქარესტის სამიტის შემდეგ, რომელიც 2008 წელს გაიმართა. ამ შეხვედრაზე არიან, ასევე, მიწვეულები ნატოს ახალი წევრები შვედეთი და ფინეთი და ნატოს არაწევრი ბოსნია და ჰერცეგოვინა.
ფორუმზე განხილული იქნება ნატოს მადრიდის სამიტის გადაწყვეტილებების შესრულების საკითხი, უკრაინაში მიმდინარე ომი, ენერგეტიკული უსაფრთხოება და ალიანსის თანამშრომლობა პარტნიორ ქვეყნებთან.