უკრაინის გენერალური შტაბი არ გამორიცხავს, რომ რუსებმა კვლავ მიმართონ კიევზე შეტევას ბელორუსიიდან - ჩერნობილის ზონის ან ჩერნიგოვის რეგიონის გავლით. ამის შესახებ უკრაინის შეიარაღებული ძალების გენერალური შტაბის მთავარი ოპერატიული დირექტორატის უფროსის მოადგილემ, ბრიგადის გენერალმა, ოლექსი გრომოვმა განაცხადა.
"არ გამოვრიცხავთ, რომ მტერმა კვლავ მიმართოს კიევზე თავდასხმას. უპირველეს ყოვლისა, ისინი გრძნობენ, რომ ფრონტის გარღვევა არ შეუძლიათ არც სამხრეთით და არც აღმოსავლეთით. უკრაინის ე.წ. კონსტიტუციური წესრიგის დამხობის ერთ-ერთი ვარიანტია კიევის აღება და სამხედრო-პოლიტიკური ხელმძღვანელობის ლიკვიდაცია“, - განაცხადა გრომოვმა. ამასთან, მან აღნიშნა, რომ უკრაინის შეიარაღებულმა ძალებმა მტერთან ბრძოლაში საბრძოლო გამოცდილება დააგროვეს.
„ვვარაუდობთ, რომ მტერმა შესაძლოა ოპერაციას მიმართოს, პირველ რიგში, ბელორუსის რესპუბლიკიდან. ეს შეიძლება იყოს მიმართულება ჩერნობილის ზონის ტერიტორიიდან, ასევე ჩერნიგოვის რეგიონიდან. ჩვენ მზად ვართ ამისთვის, მაგრამ ამჟამად ვერ ვხედავთ საფრთხეს, რომ მტერი პირდაპირ თავს დაესხმება“, - აღნიშნა გრომოვმა.