11 ნოემბერს უკრაინის არმია შევიდა ხერსონის რეგიონულ ცენტრში, რომელიც რუსმა სამხედროებმა მიატოვეს.
ოფიციალურად, ქალაქის განთავისუფლება ჯერ არ გამოცხადებულა. თუმცა, სოციალურ ქსელებში უკვე ვრცელდება ქალაქის ქუჩებში, კერძოდ, შუმენსკის მიკრორაიონში გადაღებული უკრაინელი სამხედროების ფოტოები და ვიდეოები.
მედია წერს, რომ ხერსონის ასობით მცხოვრები უკრაინის დროშებით გამოვიდა ქუჩებში, რათა მიესალმებოდა სამხედროებს. უკრაინის დროშა უკვე აღმართულია ცენტრალურ მოედანზე.
ქალაქში ბრძოლის შესახებ ინფორმაცია არ ვრცელდება.
მანამდე რუსეთის თავდაცვის სამინისტრომ განაცხადა, რომ პარასკევს დილით ყველა რუსმა სამხედრო დატოვა დნეპრის მარჯვენა სანაპირო და გადავიდა მარცხენა სანაპიროზე, რაც ქალაქიდან გასვლსაც გულისხმობს.
ცნობისთვის: ხერსონი რუსებს მარტიდან ჰქონდათ დაკავებული. ეს იყო ერთადერთი რაიონული ცენტრი, რომლის ოკუპაციაც შეძლეს აგრესორი ქვეყნის სამხედროებმა. მოგვაინებით მოსკოვმა ხერსონი საკუთარ ნაწილად გამოაცხადა.