უკრაინა ბელარუსის საზღვარზე კედელს აშენებს
უკრაინის პრეზიდენტის ოფისის ხელმძღვანელის მოადგილის, კირილ ტიმოშენკოს ინფორმაციით, უკრაინა ბელარუსთან საზღვარზე კედელს აშენებს.
"ახლა სამხრეთში ჩვენი ხალხი ხვდება ჩვენს სამხედროებს, ჩრდილოეთში კი სხვა საქმე დუღს - აქ კედელს აშენებენ ბელარუსის საზღვარზე.
თხრილი, რკინაბეტონის ღობე მავთულით, საინჟინრო ბარიერებია, რომლებიც შენდება ვოლინში. უკვე მოეწყო საზღვრის დაახლოებით 3 კმ, სამუშაოები გრძელდება. ეს ყველაფერი არ არის, მაგრამ დეტალებს არ გავამხელთ. სამუშაოები ასევე მიმდინარეობს რივნისა და ჟიტომირის რაიონებში.
რუსეთის ტერიტორიის მოსაზღვრე რაიონებში შენდება ფორტიფიკაციები და დგება საზღვარი.
ჩვენი მესაზღვრეები აკვირდებიან სიტუაციას 24/7 -ზე, აქვთ ყველა საჭირო აღჭურვილობა, რომ მტერი შორიდან დაინახონ.
მნიშვნელოვანია, რომ რეგიონული ხელისუფლება და ადგილობრივი ბიზნესი სისტემატურად მუშაობენ საზღვრის მოწყობაზე. ჩვენ ყველას გვსურს დაცვა, ყველაფერს ვაკეთებთ იმისთვის, რომ შევაჩეროთ მტრის თუნდაც ჰიპოთეტური წინსვლა.
ჩვენ ვმუშაობთ სისტემატურად, ერთდროულად მთელ უკრაინაში!" წერს ტიმოშენკო ტელეგრამ არხზე.