თუ მათ უნდათ კიდევ უფრო მკაცრი ენა საბოლოო ანგარიშში, ყველაფერს აკეთებენ, რომ ეს მიიღონ - იუკნევიჩიენე "ოცნებაზე"
"ქართული ოცნება თანამშრომლობის ნაცვლად, მუდმივად იგნორირებას უკეთებს ევროპარლამენტს, რაც საქართველოს ევროპულ ინტერესს ეწინააღმდეგება" - ამის შესახებ ევროპარლამენტარმა რასა იუკნევიჩიენემ "მთავარ არხთან" ინტერვიუში ისაუბრა. როგორც იუკნევიჩიენემ გადაცემა "დღის სტუმართან" ინტერვიუში აღნიშნა, "ოცნება" ყველაფერს აკეთებს, რომ ევროპარლამენტის საბოლოო ანგარიში კიდევ უფრო მკაცრი იყოს.
"საგარეო ურთიერთობათა კომიტეტზე, ყველა პოლიტიკურმა ჯგუფმა ერთიანი შეთანხმებული ვარიანტი მივიღეთ, იქნებოდა ეს მემარჯვენე თუ მემარცხენე ძალა. თუ მათ უნდათ კიდევ უფრო მკაცრი ფორმულირებები, მკაცრი ენა, საბოლოო ანგარიშში, ისინი ყველაფერს აკეთებენ, რომ ეს მიიღონ. როგორც ვხედავ, მათ არ ესმით ევროპარლამენტში პროცედურები, რას ნიშნავს საერთო პოლიტიკური შეფასება, რას ნიშნავს ცვლილებები და დამატებები. აღმოსავლეთ პარტნიორების ყველა ქვეყანა ცდილობს, გაიგოს და კარგად გაითავისოს, რას ამბობს ევროპარლამენტი, იმუშაონ მასთან ერთად, ქართული ოცნება კი თანამშრომლობის ნაცვლად, მუდმივად იგნორირებას უკეთებს ევროპარლამენტს, რაც საქართველოს ევროპულ ინტერესს ეწინააღმდეგება", - თქვა რასა იუკნევიჩიენემ.