კიევში, ამ წუთებში, აფეთქებების ხმა ისმის. ადგილობრივი მედიასაშუალებები ინფორმაციას ტელეგრამის არხებში ავრცელებენ და წერენ, რომ აფეთქებების შემდეგ ქალაქი კვამლშია გახვეული. ჯერჯერობით ოფიციალური ინფორმაცია არ გავრცელებულა. 
ინფორმაციას და ვიდეომასალას კიევში მყოფი ქართველი სამოქალაქო აქტივისტი გიგა მაქარაშვილიც ავრცელებს და წერს: "რამდენიმე ძალიან დიდი აფეთქება იყო ამ წამს კიევის ცენტრში. ერთმა რაკეტამ გადაიფრინა კიდევ. რამდენიმე ადგილას ავარდა კვამლი, ისმის ნგრევის ხმაც".