ინფექციური საავადმყოფოს დირექტორის, თენგიზ ცერცვაძის თქმით, ქვეყანაში აგრესიული ტესტირების ჩატარების შემთხვევაში, მთელი მოსახლეობა ან მოსახლეობის ნახევარი გამოკვლეული მაინც ვერ იქნება.
მან საუბარში ახალი კორონავირუსის აგრესიული ტესტირების საკითხი ც ჰეპატიტის აგრესიულ ტესტირებებს შეადარა, რომელსაც მისი თქმით, 5 წელია ატარებენ, თუმცა მხოლოდ მოსახლეობის ნახევარზე მეტის და არა მთელი მოსახლეობის გამოკვლევა შეძლეს.
"ახლა, კოვიდზე, აგრესიული ტესტირებით ნუ გვექნება იმის ილუზია, რომ მთელ მოსახლეობას, ან თუნდაც ნახევარს გამოვიკლევთ", - თქვა ცერცვაძემ.
თენგიზ ცერცვაძეს მარინა ეზუგბაიას განცადების შესახებაც კითხეს. ეზუგბაიამ დღეს თქვა, რომ ბოლო 24 საათში გამოვლენილი 24 შემთვევა აგრესიულ ტესტირებას უკავშირდება და იმედი გამოთქვა, რომ მომდევნო დღეებში კვლევები აგრესიული ტესტირებუს გარეშე ჩატარდება და ასეთი შედეგი არ განმეორდება.
"არ ვიცი, მან რა იგულისხმა, ეს მას უნდა კითხონ. დიდი ალბათობით, მან იგულისხმა, რომ საქართველო მოახერხებს ეპიდემიის შეჩერებას და მისი დაღმავალი გზით გაშვებას და თუ ეპიდემია წავიდა დაღმავალი გზით, როგორც ეს ხდება გრიპის დროს, მაშინ აღარც აგრესიული ტესტირების საჭიროება იქნება. თუმცა, პირადად მე არ მგონია, რომ ეს ასე იოლად მოხერხდება", - თქვა ცერცვაძემ.