უკრაინაზე რუსეთის ბოლო მასობრივი თავდასხმების შემდეგ, უკრაინის პრეზიდენტმა ვოლოდიმირ ზელენსკიმ ჰაეროში უშიშროების საბჭოს შეხვედრა მოითხოვა, რასაც გაერო დათანხმდა და სხდომა ჩანიშნა. 

"მე დავავალე ჩვენს ელჩს გაეროში, მოითხოვოს გაეროს უშიშროების საბჭოს სასწრაფო შეკრება დღევანდელი რუსული დარტყმების შემდეგ. მშვიდობიანი მოსახლეობის მკვლელობა, სამოქალაქო ინფრასტრუქტურის დანგრევა ტერორისტული აქტებია. უკრაინა კვლავ ითხოვს საერთაშორისო თანამეგობრობის მტკიცე რეაგირებას ამ დანაშაულებზე", - დაწერა ზელენსკიმ twitter-ზე.

ცნობისთვის, დღეს 23 ნოემბერს რუსეთმა უკრაინის რამდენიმე ქალაქზე, მათ შორის კიევზე, მასობრივი სარაკეტო იერიში მიიტანა. ბოლო მონაცემებით, მხოლოდ კიევში 4 მშვიდობიანი მოქალაქე დაიღუპა. პრეზიდენტ ზელენსკის თქმით, ოკუპანტებმა უკრაინის მიმართულებით 63 რაკეტა ისროლეს.
დღესვე ევროპარლამენტმა რუსეთი ტერორიზმის სპონსორ სახელმწიფოდ ცნო ამასთან, ის აღიარეს სახელმწიფოდ, რომელიც ტერორიზმის საშუალებებს იყენებს.