რურუას გამოუშვებენ დღეს იქნება თუ ხვალ, ეს აუცილებლად მოხდება, სხვა ტიპის სამოქმედო გეგმას არც ვიხილავთ. ძალიან კარგად ვიცით ის წამალი, რომელიც კარგად მოქმედებს "ქართულ ოცნებაზე". რაც უფრო გაჭიმავენ, მით უფრო მწარე იქნება ეს წამალი მათთვის, - ამის შესახებ "ახალი საქართველოს" ლიდერმა გიორგი ვაშაძემ განაცხადა. მისივე თქმით, კოალიციური მთავრობა აუცილებლად გაუშვებს "ქართულ ოცნებას" ოპოზიციაში.
"ძალა ერთობაშია და არა დაცალკევებაში. გიორგი რურუას გამოუშვებენ დღეს იქნება თუ ხვალ, აუცილებლად ეს მოხდება, სხვა ტიპის სამოქმედო გეგმას არც ვიხილავთ. ერთხელ უკვე ნათქვამი გვაქვს, თუ პოლიტპატიმრები არ გათავისუფლდებიან, არ იქნება მხარდაჭერა. ძალიან კარგად ვიცით ის წამალი, რომელიც კარგად მოქმედებს "ქართულ ოცნებაზე". რაც უფრო გაჭიმავენ, მით უფრო მწარე იქნება ეს წამალი მათთვის. დღეს ჩვენ, გიორგი ვაშაძე- ახალი საქართველოს, გვაქვს ყველაზე მზარდი რეიტინგი, ჩვენ ვართ კოალიციაში გაერთიანებული "ძალა ერთობაშია" და ამ კოალიციით ვგეგმავთ არჩევნებში მონაწილეობას. სხვა სუბიექტებს თუ ენდომებათ გაერთიანებულ ოპოზიციაში შემოსვლა, მზად ვართ განვიხილოთ. მაგრამ ჩვენი ამოცანა არ არის ის, რომ ყველა ერთ კოალიციაში ვიყოთ, ჩვენი ამოცანაა სინერგია გვქონდეს ქმედებების. უნდა ვიცოდთ რომ ქართველ ამომრჩეველსაც აქვს განსხვავებული გემოვნება. ერთი გემოს მომატებით მეორე გემო არ უნდა დავცალოთ ბოლომდე. ამიტომ ჩვენ უნდა გადავდგათ ისეთი ნაბიჯები, რომელიც კოალიციურ მმართველობას შექმნის ქვეყანაში, გაუშვებს "ქართულ ოცნებას" ოპოზიციაში და ამაში დარწმუნებული ვარ," - განაცხადა ვაშაძემ.