დააკავეს პირი, რომელმაც COVID-19-ით დაზარალებულთა კომპენსაციისთვის ყალბი დოკუმენტები დაამზადა
ფინანსთა სამინისტროს საგამოძიებო სამსახურის ინფორმაციით, კახეთში დააკავეს კომპანიის ხელმძღვანელი, რომელმაც კორონავირუსით დაზარალებულთა კომპენსაციის მისაღებად ყალბი დოკუმენტები დამზადა.
საგამოძიებო სამსახურის ინფორმაციით, საქმეზე გამოძიება 362-ე მუხლის პირველი ნაწილით მიმდინარეობს, რაც 3-წლამდე ვადით თავისუფლების აღკვეთას ითვალისწინებს.
ანტიკრიზისული გეგმის მიხედვით, საქართველოში კორონავირუსის პანდემიის გამო დაზარალებულ ადამიანებს, რომლებმაც სამსახური დაკარგეს ან კომპანიამ უხელფასო შვებულებაში გაუშვა, სახელმწიფო 6 თვის განმავლობაშ 200 ლარით ეხმარება.
საგამოძიებო სამსახურის ცნობით, დაკავებულმა 11 ადამიანისთვის ყალბი სამსახურეობრივი ცნობა დაამზადა, თითქოს ეს ადამიანები მის კომპანიაში მუშაობდნენ და 2020 წლის 21 მარტიდან COVID-19-ის გამო უხელფასო შვებულებაში იყვნენ. კომპანიის დირექტორმა ყალბი ცნობები 50 ლარად გაყიდა.
"აქვე უნდა აღინიშნოს, რომ ბრალდებული ნასამართლევია ყალბი საგადასახადო დოკუმენტების დამზადება - გამოყენების ფაქტზე და ამჟამად იმყოფება პირობითი მსჯავრის ქვეშ", - ვკითხულობთ გავრცელებულ განცხადებაში. საგამოძიებო სამსახურის ინფორმაციით, საქმეზე გამოძიება 362-ე მუხლის პირველი ნაწილით მიმდინარეობს, რაც 3-წლამდე ვადით თავისუფლების აღკვეთას ითვალისწინებს.
ანტიკრიზისული გეგმის მიხედვით, საქართველოში კორონავირუსის პანდემიის გამო დაზარალებულ ადამიანებს, რომლებმაც სამსახური დაკარგეს ან კომპანიამ უხელფასო შვებულებაში გაუშვა, სახელმწიფო 6 თვის განმავლობაშ 200 ლარით ეხმარება.