უკრაინის რეფორმების ეროვნული საბჭოს აღმასრულებელი კომიტეტის ხელმძღვანელი მიხეილ სააკაშვილი საქართველოს ამჟამინდელ ხელისუფლებას პრორუსულს უწოდებს და მიიჩნევს, რომ მისი ცვლილება უკრაინისთვის მომგებიანი იქნება. ამის შესახებ „ინტერფაქს-უკრაინა“ იუწყება.
„ვფიქრობ, რომ საქართველოს პრორუსული ხელისუფლების მოშორება უკრაინისა და უკრაინელი ხალხის ინტერესებშია. თუმცა, ეს ჩემი პირადი აზრია. მე არ გამოვხატავ არც პრეზიდენტის და არც სხვათა აზრს ამასთან დაკავშირებით, რადგან არ ვარ უკრაინის ოფიციალური სახელმწიფო მოხელე. ეს ჩემი პირადი პოზიციაა და ის ძალიან მტკიცეა“, - განაცხადა სააკაშვილმა.
მანვე ხაზი გაუსვა, რომ ქართველს ვერავინ დაუშლის ქართველი იყოს, მაშინც კი, თუ მას უკრაინის პასპორტი აქვს და უკრაინის პატრიოტია.