ახალი კორონავირუსით გარდაცვლილთა რიცხვი ჩინეთში კვლავ გაიზარდა. ბოლო მონაცემებით, ვირუსის შედეგად კიდევ 94 ადამიანი გარდაიცვალა. ახალი კორონავირუსით დაღუპულთა რიცხვმა 1113-ს მიაღწია.გაიზარდა ვირუსით დაავადებულთა რიცხვიც. ამ დროის მონაცემებით, კორონავირუსით ინფიცირების 44,653 შემთხვევაა დაფიქსირებული.
ინფიცირების 99% ჩინეთში ფიქსირდება. ახალმა კორონავირუსმა ჩინეთის საზღვრებს გარეთ, ტაილანდსა და ჰონგ-კონგში 2 ადამიანის სიცოცხლე იმსხვერპლა. სულ მცირე 25 ქვეყანაში ვირუსით ინფიცირების შემთხვევები გამოვლინდა.
მსოფლიო ჯანდაცვის ორგანიზაცია (WHO) ვირუსთან საბრძოლველად ჟენევაში კონფერენციას გამართავს.