თავდასხმა "ნაციონალური მოძრაობის" წარმომადგენელ, ლაშა ცუცქირიძეზე. შემთხვევა რამდენიმე წუთის წინ მოხდა. ინფორმაციას თეონა ცუცქირიძე სოციალურ ქსელ Facebook-ის პირად გვერდზე ავრცელებს. 
ცნობილია, რომ ლაშა ცუცქირიძეს თავს ნიღბიანი პირები თბილისში, იოსებიძის ქუჩაზე დაესხნენ. მას თავი აქვს გატეხილი და ტუჩი გახეთქილი. ის რესპუბლიკურ საავადმყოფოშია გადაყვანილი.
„სამართალდამცავთა რეფორმების ცენტრის“ ხელმძღვანელის ზვიად კუპრავას ინფორმაციით, „ერთიანი ნაციონალური მოძრაობის", „გაერთიანებული ოპოზიცია - ძალა ერთობაშია"-ს აქტივისტს ლაშა ცუცქირიძეს თბილისში, საბურთალოს რაიონში მდებარე შტაბიდან გამოსვლის შემდეგ თავს დაესხა ორი ნიღბიანი ადამიანი.
როგორც ზვიად კუპრავამ თქვა „ტვ პირველის" ეთერში თქვა, ლაშა ცუცქირიძე მეუღლესთან და დასთან ერთად შტაბიდან სახლში ავტომანქანით გაემართა.
„როგორც კი სახლთან მანქანა გააჩერა და მანქანიდან გადმოვიდა, მას მყისიერად დაესხა თავს ორი ნიღბიანი პირი. სავარაუდოდ (მე როგორც ლაშამ მითხრა), მათ ხელზე კასტეტები ეკეთათ. ლაშა არის აბსოლუტურად უმოწყალოდ ნაცემი. ეს იყო თავდასხმა ლაშა ცუცქირიძეზე, ოპოზიციური პარტიის წარმომადგენელზე", - ამბობს ზვიად კუპრავა. ის თავდასხმას ხელისუფლების ხელწერად მიიჩნევს.