„ევროპული საქართველოს“ ერთ-ერთი ლიდერის, სერგი კაპანაძის განცხადებით, გასაკვირი არაა, რომ კიბერშეტევა რუსეთიდან მოდიოდა და საინტერესო ისაა, ხელისუფლება რას აკეთებს პრევენციისთვის.
„არაფერი გასაკვირი არაა, რომ ასეთი კიბერშეტევა რუსეთის ფედერაციიდან და მათი უშიშროების სამსახურიდან მოდიოდა. ეს საქართველოსთვის ახალი ამბავი არაა, ჯერ კიდევ 2008 წლის ომის დროს განხორციელდა მსგავსი რამ და იმის მერე პერიოდულად ხდებოდა ხოლმე.
აქ საინტერესო ისაა, რას აკეთებდა საქართველოს ხელისუფლება, რომ პრევენცია მოეხდინა და სხვა მსგავს შემთხვევებზე როგორი რეაგირება მოახდინა.
მეორე საყურადღებო ამბავი ასევე იქნება, ახლა ხომ არ გამოიყენებს იმის საბაბად, რომ თვითონ უფრო მეტი კონტროლი აიღოს საქართველოს მთავრობამ და უშიშროების სამსახურებმა ინტერნეტზე ქვეყნის შიგნით და ეს სხვა მიზნებისთვის გამოიყენოს“, - აცხადებს კაპანაძე.