Babajana LOGO

ხმალაძე ჭავჭავაძის გამზირზე - ადაპტაციას გარკვეული დრო დასჭირდება

01 აგვისტოს 2020 09:55ნახვები 127წყარო: mtavari.tvფოტო: mtavari.tv
დღეს რეფორმის პირველი დღეა და ადაპტაციას გარკვეული დრო დასჭირდებ - ასე განმარტავს ჭავჭავაძეზე შექმნილ სატრანსპორტო კოლაფსს თბილისის მერის მოადგილე.
ირაკლი ხმალაძე დარწმუნებულია, რომ მოძრაობა რამდენიმე დღეში დარეგულირდება. მისივე თქმით, თბილისის სანტრანსპორტო პოლიტიკა რეფორმის ეტაპზეა და ინდივიდუალურ ტრანსპორტზე მორგებული სისტემიდან საზოგადოებრივ ტრანსპორტზე მორგებულ სისტემაზე გადადის.
არ გვაქვს იმის საშუალება, რომ მუდმივად ვაფართოვოთ ქუჩები, მუდმივად ახალი გზები და ესტაკადები ვაშენოთ იმისათვის, რომ მანქანების ნაკადს გაუძლოს...ეს არის ერთადერთი უალტერნატივო და სწორი გზა. მე ვერც პანიკის და ვერც კრიტიკის საბაბს ვერ ვხედავ....დღეს არის რეფორმის პირველი დღე და ადაპტაციას გარკვეული დრო დასჭირდება. ერთი წლის წინ მოქალაქეები ჭავჭავაძის გამზირზე დანიშნულების ადგილამდე კონკრეტული მარშრუტით მიდიოდნენ, დღეს კი მოძრაობის სქემა მთლიანად შეიცვალა. ამას შეიძლება ერთი ან ორი კვირა დასჭირდეს, ამიტომ დღევანდელი დღით შეფასება არასწორია“ ამბობს ხმალაძე.
მისივე თქმით,  ჭავჭავაძის გამზირის რეაბილიტაციის შედეგად, მისი გამტარუნარიანობა გაიზარდა. გარდა ამისა, ხმალაძე ამბობს, რომ ქალაქის განტვირთვა საცობებისგან და ჰაერის დაბინძურების შემცირება მოსახლეობის წინასაარჩევნო დაკვეთა იყო:
"თუ ჩვენ არ მოვინდომეთ, რომ ქალაქში ნაკლებმა მანქანამ იაროს, ჯადოსნური ჯოხით ხომ ვერ შევამცირებთ ჰაერის დაბინძურებას ან როგორ განვტვირთავთ საცობებს?“ - ამბობს ხმალაძე.
ახალი სქემით მოძრაობამ დედაქალაქის ერთ ერთი ცენტრალური ქუჩის სრული პარალიზება გამოწვია.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

CDL Truck Drivers Needed
MAX Chania