"მთავარი არხის" დირექტორი, ნიკა გვარამია, ამბობს, რომ "ქართული ოცნების" ხელისუფლება ქვეყანაში არსებულ სიღარიბეს და კორონაპანდემიის პიკს ვერ გაუძლებს და 2021 წელს ჩამოიშლება.

"ოცნების" ხელისუფლება ჩამოიშლება 2021 წელს, ვერ გაუძლებს ვერც შიმშილს, ვერც კორონაპანდემიის პიკებს, მთავარია ისე ჩამოიშალოს, რომ ქვეყანა არ დაზიანდეს. არ დაზიანდეს იმ თვალსაზრისით, რომ ძალიან არ დაინგრეს, ერთი და მეორე, არ დაზიანდეს იმ თვალსაზრისით, რომ არ გაუსწორდნენ "ქართული ოცნების" ლიდერებს ისე, რომ მერე შეგვრცხვეს საკუთარი ისტორიის ფურცლებში ამ საშინელებების წაკითხვის", - ამბობს ნიკა გვარამია.

ამასთან, ნიკა გვარამიას თქმით, გამორიცხულია, 2024 წლამდე ქვეყანაში რიგგარეშე არჩევნები არ ჩატარდეს. "ქართულ ოცნებას" კი კი x-ების და y-ების ერთობად მოიხსენიებს

"რიგგარეშე არჩევნები იქნება... გამორიცხულია, 2024 წლამდე "ქართული ოცნება" იყოს, ოქსიმორონია უბრალოდ, შეუძლებელია. ისტორიული კანონზომიერების წინააღმდეგ სვლაა და ეს რომ შეუძლებელია, ხომ ყველამ ვიცით...
თეა წულუკიანის ნაცვლად ნებისმიერი შვონდერი შეიძლება იყოს. კობახიძის ნაცვლად - ნებისმიერი ფსიქიატრიულის ყოფილი პაციენტი, გამოქცეული იქიდან. x-ების და y-ების ერთობაა. რა მნიშვნელობა აქვს, იქ ეხლა ვინ იჯდება, არჩილ თალაკვაძე თუ ვიღაცა. ბიძინა ივანიშვილი თავისთავად ცვლადია რუსეთისთვის", - ამბობს ნიკა გვარამია "მთავარი არხის" ეთერში, გადაცემა "დღის სტუმარში"