"ოცნებაში" მიიჩნევენ, რომ საქართველოს რეაქცია პუტინის საზღვრის დადგენის პოლიტიკაზე ისეთი უნდა იყოს, როგორიც არის.

"საქართველოს რეაქცია როგორი უნდა იყოს ამ საკითხზე? როგორიც არის", - ამბობს მაკა ბოჭორიშვილი, "ოცნების" დეპუტატი.

ოპოზიციის აზრით კი ხელისუფლების უმოქმედობა რუსეთს უფრო მეტად ათამამებს და ოკუპაციის გაგრძელებას უწყობს ხელს.

"ეს არის ოკუპაციის და აგრესიის გაგრძელება, რომელსაც ადგილი აქვს მთელი ამ წლების განმავლობაში. ესეთი კეკლუცობის, დათმობის, მორიგების, აბაშიძეების და კარასინების ფორმატი ვერ ცვლის რუსეთის დამოკიდებულებას ოკუპირებული ტერიტორიების მიმართ", - ამბობს ხატია დეკანოიძე, "ენმ"-ს წარმომადგენელი.

შეგახსენებთ, რომ გუშინ პუტინმა დსთ-ს ქვეყნებსა და საქართველოს ოკუპირებულ რეგიონებთან საზღვრის დადგენა მიხეილ პეტრაკოვს დაავალა. 
საქართველოს საგარეო საქმეთა სამინისტრო მოსკოვსა და საქართველოს ოკუპირებულ რეგიონებს შორის "გაფორმებულ" ე.წ. ხელშეკრულებებს უკანონოდ აფასებს და ამბობს, რომ ამ დოკუმენტებს სამართლებრივი შედეგი ვერ ექნება.