ამერიკის შეერთებული შტატების არჩეულმა პრეზიდენტმა ჯო ბაიდენმა ეკონომიკის სტიმულრების 1,9 ტრილიონი დოლარის გეგმა წარადგინა, რომელმაც მოსახლეობაში პანდემიის შედეგები უნდა შეამსუბუქოს. 
თუ გეგმას კონგრესიც მიიღებს, 1 ტრილიონი დოლარი პირდაპირ დახმარებად განისაზღვრება და თითოეულ ამერიკელს 1 400 დოლარი შეხვდება. 
ბაიდენის გეგმაში ვირუსთან საბრძოლველად 415 მილიარდია გამოყოფილი, მცირე ბიზნესებისთვის კი 440. 
ბაიდენმა პირობა დადო, რომ ის კორონავირუსს დაამარცხებდა და საარჩევნო კამპანიის დროს თქვა, რომ უკეთესად გაუმკლავდებოდა მას, ვიდრე ამას დონალდ ტრამპი ახერხებდა.
შეგახსენებთ, რომ ამერიკის შეერთებულ შტატებში კორონავრუსით ყოველდღიურად 200 000-ზე მეტი მოქალაქე ინფიცირდება, გარდაცვლილთა რაოდენობამ კი რამდენჯერმე 4 ათასსაც მიაღწია.
ბაიდენს სურს 20 მილიარდი აშშ დოლარის გადახდა ამერიკელების ვაქცინაციაში, რაც მოიცავს ვაქცინაციის მასობრივი "ჰაბების" შექმნას და მობილური ჯგუფების გაგზავნას შორეულ ადგილებში.
მისი გეგმა ასევე ითვალისწინებს $50 მილიარდის დახარჯვას ტესტირების გაფართოებისთვის და $130 მილიარდის დახარჯვას გაზაფხულისთვის სკოლების უმეტესობის ხელახალი გახსნისთვის.
ბაიდენმა წარსულში თქვა, რომ მას 100 დღეში 100 მილიონი ადამიანის აცრა სურს.