"ნაციონალური მოძრაობა" და "ევროპული საქართველო" კვლავ დესტრუქციულად იქცევიან - შალვა პაპუაშვილი
შარლ მიშელის დოკუმენტზე ხელის მოწერის შემდეგ, "ქართული ოცნება" თავს კვლავ ოპოზიციას ესხმის. ორბელიანების სასახლის დატოვების შემდეგ, შალვა პაპუაშვილმა, "ნაციონალური მოძრაობა" და "ევროპული საქართველო" კვლავ დესტრუქიულ ქმედებებში დაადანაშაულა:
სამწუხაროა, ერთი მხრივ, რომ "ნაციონალური მოძრაობა" და "ევროპული საქართველო" იქცევა კვლავ დესტრუქციულად და მეორე, კარგია, რომ საბოლოო ჯამში, გაცხადდა მთელი ამ თვეების განმავლობაში რასაც ჩვენ ვსაუბრობდით, რასაც ზოგიერთი ჩვენი ოპონენტიც ასევე ამბობდა, როგორ შლიდა ამ მთელ პროცესს "ნაციონალური მოძრაობა" და "ევროპული საქართველო" და სამწუხაროა, რომ მათ ეს კიდევ ერთხელ დაადასტურეს..., - ამბობს პაპუაშვილი.მისივე თქმით, ამ პროცესებმა აჩვენა, რომ ყველაზე სახელმწიფოებრივად ისევ "ქართული ოცნება" მოქმედებს.